ကြက်ငှက်တုပ်ကွေးရောဂါကြောင့် ပျဉ်းမနားဒေသခံတဦး သေဆုံးသည်ဟု သိရသော်လည်း အတည်ပြု၍ မရသေးပေ။
“မနေ့က စဖြစ်တယ်လို့သိရတယ်။ ပျဉ်းမနား စားသောက်ဆိုင်တဆိုင်က စားဖိုမှူး တယောက်သေတယ်လို့လည်း သတင်းကြားတယ်။ ကြက်သား အရောင်းတွေလည်း ပိတ်ထားတယ်” ဟု ပျဉ်းမနားဒေသခံ ကိုအောင်သူက ပြောသည်။
နေပြည်တော်စည်ပင်ရိပ်သာရှိ လွှတ်တော် ကိုယ်စားလှယ်များ တည်းခို နေထိုင်ရာတွင်လည်း ကြက်ငှက် တုပ်ကွေး သတိပေး စာတမ်းများ ကပ်ထားသည်ဟု ပြည်သူ့လွှတ်တော် အမတ်တဦးက ဆိုသည်။
“ပျဉ်းမနားက ပုရွက်ဆိတ်ကုန်းရွာမှာ လွှတ်တော် အမတ်တွေအတွက် တောင်ငူက မှာထားတဲ့ ကြက်တွေထဲမှာလည်း ဖြစ်တယ်လို့ သိရတယ်။ တိမွေးကုက ဆရာဝန်တွေ လာကြည့်ပြီး ကြက်တွေကို အကုန် မြေမြှုပ်သတ်ပစ်တယ်။ တောင်ငူကနေ ကြက် အ၀င်လည်း ပိတ်ထားတယ်” ဟု ဒေသခံ ကြက်ဒိုင်တခုမှ တာဝန်ရှိသူက ပြောသည်။
ထိုသတင်းကြောင့် လွှတ်တော်အမတ်များလည်း စိုးရိမ်နေကြသည်။
“ကျနော်တို့တည်းတဲ့ ရိပ်သာမှာ စာကပ်ထားတယ်။ ကြက်၊ ဘဲ မစားဖို့။ တခြား ဆေးစစ်တာတွေ ဘာတွေတော့ မလုပ်သေးဘူး” ဟု ပြည်သူ့လွှတ်တော် ကိုယ်စားလှယ်က ဆိုသည်။
ဇန်နဝါရီ လအတွင်းပိုင်းကလည်း ရခိုင်ပြည်နယ် စစ်တွေမြို့တွင် ကြက်၊ ငှက်တုပ်ကွေးရောဂါ ဖြစ်ပွားသဖြင့် ကြက်၊ ဘဲများ အရောင်းပိတ်ကာ ကြက်ကောင်ရေ ၁ သောင်းကျော် သုတ်သင်ခဲ့သည်။
မြန်မာနိုင်ငံသို့ ၀င်ရောက်လာသည့် ဆောင်းခိုငှက်များကနေ ကြက်ငှက်တုပ်ကွေးရောဂါများ သယ်ဆောင်လာဖွယ်ရှိကြောင်း၊ ယင်း ဆောင်းခိုငှက်များမှာ ဇန်န၀ါရီလကုန်အထိ ဆက်လက်နေထိုင်သွားဖွယ် ရှိကြောင်း မြန်မာ ငှက်နှင့် သဘာဝ ဆိုင်ရာ အဖွဲ့အစည်း ဥက္ကဋ္ဌ ဦးစိုးညွန့် က ဆင်ဟွာ သတင်းဌာန သို့ ပြောသည်။
ရန်ကုန်မြို့ရှိ ကြက်၊ ဘဲ ဒိုင်များတွင်လည်း ဆေးဖြန်းခြင်းများ ပြုလုပ်နေပြီး သတိပေးနှိုးဆော်ခြင်းများ ပြုလုပ်ထားသည်ဟု သိရသည်။
၂၀၁၁ ဇန်န၀ါရီလအတွင်း မြန်မာ၊ အီဂျစ်၊ ဘင်္ဂလား ဒေ့ရှ်၊ ဂျပန်၊ ဟောင်ကောင်၊ အင်ဒိုနီးရှားနှင့်မြောက်ကိုရီးယား နိုင်ငံတို့၌ ကြက် ငှက်တုပ်ကွေးရောဂါ ဖြစ်ပွားခဲ့ကြောင်း ကမ္ဘာ့ကျန်းမာရေးအဖွဲ့ (WHO) ၏ ကြေညာချက်အရ သိရသည်။
မြန်မာနိုင်ငံတွင် ကြက်ငှက်တုပ်ကွေး ရောဂါဖြစ်ပွားမှုမှာ ၂၀၀၆ ခုနှစ်မှ ၂၀၁၀ ပြည့်နှစ်အတွင်း ၄ ကြိမ်ရှိခဲ့သည်ဟု သိရသည်။
၂၀၀၃ ခုနှစ်မှ ၂၀၁၀ ခုနှစ်အတွင်း ကြက်ငှက်တုပ်ကွေးရောဂါဖြစ်ပွားသော နိုင်ငံပေါင်း ၆၃ နိုင်ငံ ရှိကြောင်း၊ ၁၅ နိုင်ငံတွင် လူသို့ကူးစက်မှု ၅၁၇ ဦးရှိပြီး ၃၀၆ ဦး သေဆုံးခဲ့ကြောင်း သိရသည်။
Set as favorite
Bookmark
Email this
Hits: 2348
Comments (1)
ပြည်သူေ တွတော့ ကန်စွန်း ချင်မောင် နဲ့ နှစ်ပါး သွားနေလို့  ဝေးမယ် ထင်ပါတယ်
Write comment
| < Prev | Next > |
|---|
