စစ်အစိုးရ ဘက်မှ စစ်ဘက်ဆိုင်ရာ လုံခြုံရေးအဖွဲ့ အကြီးအကဲ ဒုတိယ ဗိုလ်ချုပ်ကြီး ရဲမြင့် ဦးဆောင်ပြီး ကချင် ခေါင်းဆောင် ကိုယ်စားလှယ် ၈ ဦးခန့်နှင့် ဇန်နဝါရီ ၂၉ ရက်နေ့တွင် တွေ့ဆုံခဲ့ခြင်း ဖြစ်သည်။ ယခု တွေ့ဆုံမှုသည် ၂၀၁၀ ပြည့်နှစ်အတွင်း ပထမဦးဆုံး အကြိမ်ဖြစ်သည်။ ၂၀၀၉ ခုနှစ်အတွင်း စစ်အစိုးရ နှင့် KIO ကြား ၁၀ ကြိမ်ခန့် တွေ့ဆုံခဲ့ကြသည်။ KIO အဖွဲ့ နှင့် နီးစပ်သူတဦးက “နယ်ခြားစောင့်တပ် အသွင်ပြောင်းရေး ကိစ္စနဲ့ အရင် တင်ပြထားတဲ့ ပင်လုံစာချုပ် သဘော တူညီချက်အတိုင်း တွေ့ဆုံ ဆွေးနွေး ခဲ့ကြပါတယ်” ဟု ဧရာဝတီသို့ ပြောသည်။
KIO ခေါင်းဆောင်များက တင်ပြဆွေးနွေးမှုများ ရှိသော်လည်း စစ်အစိုးရဘက်က တစုံတရာ တုံ့ပြန်မှုများမရှိကြောင်း၊ ဒုတိယ အကြိမ် ထပ်မံ တွေ့ဆုံရန်သာ ပြောဆိုခဲ့ကြောင်း သူက ဆိုသည်။
စစ်အစိုးရက အပစ်ရပ် တိုင်းရင်းသား လက်နက်ကိုင် အဖွဲ့များကို နယ်ခြားစောင့်တပ် ဖွဲ့စည်းရေးအတွက် ၂၀၀၉ ခုနှစ် ဒီဇင်ဘာလ ကုန် နောက်ဆုံးထားပြီး အကြောင်းပြန်ရန် သတိပေးထားသော်လည်း လက်ရှိအခြေအနေတွင် အချိန်ကာလ ထပ်မံတိုးချဲ့ သတ်မှတ်ခဲ့သည်။
KIO ၏ လက်ရှိ သဘောထားမှာ နိုင်ငံရေး အခက်အခဲ ပြဿနာများကို ၁၉၄၇ ခုနှစ်က ဗိုလ်ချုပ် အောင်ဆန်းနှင့် တိုင်းရင်းသား ခေါင်းဆောင်များ ချုပ်ဆိုခဲ့သည့် ပင်လုံစာချုပ် သဘောတူညီချက်အတိုင်း ဖြေရှင်းရန်သာ လိုအပ်သည်ဟု စစ်အစိုးရထံ တင်ပြထားကြောင်း သိရသည်။
“ပင်လုံစာချုပ်အတိုင်း ကျနော်တို့ရဲ့ အခွင့်အရေးကို ပြင်ပေးပါ။ နယ်ခြားစောင့်တပ် အသွင်ပြောင်းဖို့ မပြောနဲ့ ပြည်လုံးကျွတ် ကျနော်တို့ အားလုံး လက်နက် မကိုင်တော့ပါဘူး။ ဒါကို သူတို့ လက်မခံနိုင်ဘူး” ဟု မတွေ့ဆုံမီ ၂ ရက်ခန့် အလိုက KIO မှ ဒုတိယ နိုင်ငံခြားရေး တာဝန်ခံ James Lumdau က ဧရာဝတီသို့ ရှင်းပြခဲ့သည်။
ရှမ်းပြည်နယ် ပင်လုံမြို့၌ ဗိုလ်ချုပ်အောင်ဆန်းနှင့် ကချင်၊ ချင်း၊ ရှမ်း အစရှိသော တိုင်းရင်းသား ခေါင်းဆောင်များက တိုင်းရင်းသား ပေါင်းစုံ သွေးစည်း ညီညွတ်ရေးကို အခြေခံထားသော တိုင်းရင်းသားလူမျိုးများ တန်းတူ အခွင့်အရေးကို အာမခံသည့် ပင်လုံစာချုပ်တွင် လက်မှတ် ရေးထိုးခဲ့ကြသည်။
စစ်အစိုးရက အပစ်ရပ်တပ်ဖွဲ့များကို နယ်ခြားစောင့်တပ်ပြောင်းလဲဖွဲ့စည်းရေး အတွက် ၂၀၀၉ ခုနှစ် ဧပြီလကတည်းက စတင်ခဲ့ သည်။ ယခုအချိန်အထိ ကချင်ပြည်သစ် တပ်မတော် (NDA-K) ၊ ကယားပြည်နယ် အထူးဒေသ ၂ (ကလလတ)၊ ကိုးကန့် အထူးဒေသ ၁ တို့သာ နယ်ခြား စောင့်တပ်အဖြစ် ပြောင်းလဲခဲ့သည်။
ထို့အပြင် အင်အား အကြီးဆုံးဖြစ်သည့် ဝ ပြည် သွေးစည်းညီညွတ်ရေး တပ်ဖွဲ့ (UWSA) က နယ်ခြားစောင့်တပ် ဖွဲ့စည်းရေးကို မူအားဖြင့် သဘောတူညီသော်လည်း တပ်ဖွဲ့စည်းလျှင် စစ်အစိုးရဘက်မှ ဒုတိယတပ်ရင်းမှူး ရာထူးတခုသာ ပါဝင်ခွင့်ပြုမည် ဖြစ်ကြောင်း၊ ရှမ်းပြည် တောင်ပိုင်းရှိ ၀မ်ဟုန်ဒေသအား ကိုယ်ပိုင်အုပ်ချုပ်ခွင့်ရ ဒေသတခုအဖြစ်သတ်မှတ်ပေးရန် ပြန်လည် တောင်းဆိုကြောင်း စသည့် ကမ်းလှမ်းမှုများကို စစ်အစိုးရက ပယ်ချခဲ့သည်။
၁၉၈၉ ခုနှစ်မှစတင်၍ စစ်အစိုးရနှင့် အပစ်အခတ်ရပ်စဲထားသော တိုင်းရင်းသား လက်နက်ကိုင် အဖွဲ့ပေါင်း ၁၇ ဖွဲ့ရှိသည်။
Set as favorite
Bookmark
Email this
Hits: 3493
Comments (0)
Write comment
| < Prev | Next > |
|---|
